బ్రేకింగ్: ఆంధ్రాలో తుఫాన్ అలెర్ట్ — ఈ జిల్లాల్లో రాబోయే ఐదు రోజులు భారీ వర్షాలు

జనం న్యూస్ : Andhra Pradesh Cyclone Montha Rains: ఆగ్నేయ బంగాళాఖాతంలో అల్పపీడనం తుఫానుగా మారే ప్రమాదం ఉంది. రాబోయే నాలుగు రోజులు ఏపీకి చాలా కీలకం. పలు జిల్లాల్లో భారీ నుంచి అతి భారీ వర్షాలు కురిసే అవకాశం ఉంది. తీర ప్రాంత ప్రజలు అప్రమత్తంగా ఉండాలని, లోతట్టు ప్రాంతాల వారిని సురక్షిత ప్రాంతాలకు తరలించాలని అధికారులు సూచిస్తున్నారు. మత్స్యకారులు వేటకు వెళ్లరాదని హెచ్చరికలు జారీ అయ్యాయి. ఏపీ వెదర్ అప్డేట్స్ ఇలా ఉన్నాయి.

• బంగాళాఖాతంలో వాయుగుండం
• ఏపీవైపు దూసుకొస్తున్న తుఫాన్
• తుఫాన్‌గా మారితే ‘మొంథా పేరు
• 5 రోజుల పాటూ కుండపోత వానలు
• ఏపీకి తుఫాన్ ముప్పు పొంచి ఉంది.. రాబోయే నాలుగు రోజులు చాలా కీలకమని అధికారులు చెబుతున్నారు. ఆగ్నేయ బంగాళాఖాతంలో ఏర్పడిన అల్పపీడనం వాయుగుండంగా, ఆపై తుఫాన్‌గా మారే అవకాశం ఉందని వాతావరణ శాఖ అంచనా వేస్తోంది. ఈ తుఫాన్ ప్రభావం వల్ల ఆంధ్రప్రదేశ్‌లోని పలు జిల్లాల్లో భారీ వర్షాలు కురిసే అవకాశం ఉంది. ఈ ప్రభావంతో తిరుపతి, నెల్లూరు, ప్రకాశం, బాపట్ల, గుంటూరు, కృష్ణా జిల్లాల్లో భారీ నుంచి అతి భారీ వర్షాలు కురిసే అవకాశం ఉంది అంటున్నారు. తీర ప్రాంత ప్రజలు అప్రమత్తంగా ఉండాలని, లోతట్టు గ్రామాల ప్రజలను సురక్షిత ప్రాంతాలకు తరలించాలని అధికారులు సూచించారు. తుఫాన్‌గా మారితే ‘మొంథా (మొన్‌థా)’గా ఐఎండీ పేరు పెట్టింది. దీన్ని థాయ్‌లాండ్‌ సూచించింది.'బంగాళాఖాతంలో అల్పపీడనం రేపటికి ఆగ్నేయ, దాని ప్రక్కనే ఉన్న మధ్య బంగాళాఖాతంలో వాయుగుండంగా బలపడుతుంది. సోమవారంకు ఇది తుపానుగా ఇంటెన్సీఫై అవుతుంది. ప్రజలు రానున్న నాలుగు రోజులు అప్రమత్తంగా ఉండాలి. ఈ ప్రభావంతో ఇవాళ కొన్ని జిల్లాల్లో భారీ వర్షాలు కురిసే అవకాశం ఉంది. డాక్టర్ బీఆర్ అంబేద్కర్ కోనసీమ, కృష్ణా, బాపట్ల, ప్రకాశం, నెల్లూరు, తిరుపతి జిల్లాల్లో అక్కడక్కడ మోస్తరు నుంచి భారీ వర్షాలు కురిసే అవకాశం ఉంది. మిగతా జిల్లాల్లో కొన్నిచోట్ల తేలికపాటి నుంచి మోస్తరు వర్షాలు కురిసే అవకాశం ఉంది' అని ఏపీ విపత్తుల నిర్వహణ సంస్థ ఎండీ ప్రఖర్ జైన్ తెలిపారు.'బంగాళాఖాతంలో తుఫాన్‌గా బలపడే అవకాశం ఉంది. మత్స్యకారులు సముద్రంలోకి వేటకు వెళ్లరాదు. తీరం వెంబడి బలమైన ఈదురుగాలులు వీస్తాయి.. ప్రజలు అప్రమత్తంగా ఉండాలి. ఈ ప్రభావంతో రాష్ట్రంలో కొన్ని ప్రాంతాల్లో ఆదివారం భారీ-అతి భారీవర్షాలు, సోమవారం అత్యంత భారీ వర్షాలు కురిసే అవకాశం ఉంది. రైతులు వ్యవసాయ పనుల్లో తగిన జాగ్రత్తలు తీసుకోవాలి.. ఇంట్లోనే సురక్షితంగా ఉండాలి' అని సూచించారు.
• హోంమంత్రి అనిత సమీక్ష:
• బంగాళాఖాతంలో అల్పపీడనం సోమవారంకు తుఫాన్‌గా బలపడనుండటంతో ఏపీ ప్రభుత్వం అప్రమత్తం అయ్యింది. బంగాళాఖాతంలో అల్పపీడనం తుపానుగా బలపడనున్న నేపధ్యంలో హోంమంత్రి అనిత సమీక్ష నిర్వహించారు. విపత్తుల నిర్వహణ సంస్థ ఎండీ ప్రఖర్ జైన్, ఈడీ దీపక్, అధికారులతో సమీక్షలో పాల్గొన్నారు. అల్పపీడనం నైరుతి,పశ్చిమ-మధ్య బంగాళాఖాతంలో సోమవారంకు తుపానుగా బలపడుతుందని ఎండీ ప్రఖర్ జైన్ తెలిపారు. రాష్ట్రానికి శనివారం భారీ, ఆదివారం అతిభారీ.. సోమ, మంగళవారాల్లో అత్యంత భారీ వర్ష సూచన ఉందని వివరించారు. తుఫాన్ తీవ్రతను అంచనా వేసి ప్రభావిత జిల్లాలని అలెర్ట్ చేయాలని హోంమంత్రి సూచించారు. అలాగే ముందస్తు జాగ్రత్త చర్యలు పటిష్టంగా అమలు చేయాలని ఆదేశించారు. ఎటువంటి ప్రాణ నష్టం జరగకుండా చర్యలు తీసుకోవాలని.. తుఫాన్ సమాచారాన్ని ఎప్పటికప్పుడు అధికారులకు, ప్రజలకు తెలియజేయాలని సూచించారు. సహయక చర్యలకు SDRF, NDRF బృందాలు పంపించాలని హోంమంత్రి అనిత సూచించారు. క్షేత్రస్థాయిలో అధికార యంత్రాంగం మరింత అలెర్ట్‌గా ఉండాలని.. కంట్రోల్ రూమ్‌లను ఏర్పాటు చేసి 24/7 కొనసాగించాలన్నారు. సోషల్ మీడియాలోని వదంతులు నమ్మవద్దని.. విపత్తుల సంస్థ కంట్రోల్ రూమ్ టోల్ ఫ్రీ నెంబర్లు 112, 1070, 18004250101 సంప్రందించాలన్నారు. శిధిలావస్థలో ఉన్న ఇళ్లలల్లో ఉండే వారిని గుర్తించి ముందుగానే సురక్షిత ప్రాంతాలకు తరలించాలన్నారు. అవసరమైతే ప్రజలను సహాయక శిబిరాలకు తరలించడానికి సిద్ధంగా ఉండాలని.. ఎక్కడిక్కడ పునరావాస కేంద్రాలను ఏర్పాటు చేసి మంచి ఆహారం అందించాలన్నారు. విరిగిన చెట్లు తొలగించడం , విద్యుత్తు సరఫరా పునరుద్ధరణ పనులు వెంటనే జరిగేలా ఉండాలని.. బలమైన ఈదురుగాలుల వీచేప్పుడు చెట్లు, హోర్డింగ్స్ వద్ద ఉండొద్దని.. భారీవర్షాలు కురుస్తున్నపుడు వీలైనంత వరకు ప్రజలు ఇంట్లోనే సురక్షితంగా ఉండాలని సూచించారు.