ఈ మూడు రాశులవారు ఇకపై పట్టిందల్లా బంగారమే.. 700 సంవత్సరాల తరువాత పంచమహాయోగం.

జనం న్యూస్: జ్యోతిషశాస్త్రం ప్రకారం నవగ్రహాల ప్రభావం సకల మానవాళిపై ఉంటుంది. ఇదే విషయాన్ని మన కొన్ని వేల సంవత్సరాల నుంచి మన పూర్వీకులు నమ్ముతూ వచ్చారు. ఈ క్రమంలో గ్రహ ప్రభావం కొన్ని రాశిచక్రాలపై శుభప్రదంగా, మరికొన్ని రాశిచక్రాలనకు అశుభంగా ఉంటుంది. అయితే ఫిబ్రవరి 19న పంచ మహా యోగం ఏర్పడింది. మరోవైపు దాదాపు 700 ఏళ్లలో పంచ మహాయోగం ఏర్పడడం ఇదే తొలిసారి అని జ్యోతిష్య శాస్త్ర నిపుణులు అంటున్నారు. ఈ యోగం కారణంగా.. కొన్ని రాశులవారికి ధనవర్షం కురుస్తుందని, వారికి పట్టిందల్లా బంగారంగా మారుతుందని జ్యోతిష్య నిపుణులు అంటున్నారు. మరి ఈ క్రమంలో ఏయే రాశుల వారికి ఈ పంచమహాయోం శుభప్రదంగా ఉంటుందో మనం ఇప్పుడు తెలుసుకుందాం.

ధనుస్సు రాశి: పంచ మహాయోగం ఈ రాశివారికి ఎంతో మేలు చేస్తుందనడంలో సందేహం లేదంటున్నారు నిపుణులు. ఈ సమయంలో వీరు వాహనం లేదా ఆస్తిని కొనుగోలు చేసే అవకాశం ఉంది. పోటీ పరీక్షలకు సిద్ధమవుతున్న లేదా విదేశాలకు వెళ్లాలనుకునే విద్యార్థులకు ఈ సమయం అనువైనదని సూచిస్తున్నారు. అలాగే ఈ సమయంలో వ్యాపారులకు మంచి అవకాశాలు లభిస్తాయి. ఇది చాలా ప్రయోజనకరంగా ఉంటుంది. ఈ సమయంలో ఈ రాశివారు కోర్టు కేసుల్లో విజయం సాధించవచ్చని, ఉద్యోగస్తులకు పదోన్నతి లభించే అవకాశం ఉందని పేర్కొంటున్నారు.

మిథున రాశి: పంచ మహాయోగం ఏర్పడడం వల్ల మిథునరాశి వారికి మంచి రోజులు మొదలవుతాయి. ఎందుకంటే ఈ రాశులవారి జాతకంలో హంస, మాలవ్య అనే రెండు రాజయోగాలు ఉన్నాయి. అందుకే ఈ సమయంలో వీరు చేసే పనిలో గొప్ప విజయాన్ని పొందుతారు. నిరుద్యోగులకు కొత్త అవకాశం లభిస్తుంది. కార్యాలయంలో అధికారులు, సహోద్యోగుల పూర్తి సహకారం లభిస్తుంది. ఇంకా వీరి కీర్తి కూడా పెరుగుతుంది. ఈ సమయం వ్యాపారవేత్తలకు అనుకూలంగా ఉంటుంది.

కుంభరాశి: కుంభరాశిలో సూర్యుడు, శని సఖ్యతగా ఉండడం వల్ల కుంభరాశి వారికి పంచ మహాయోగం వరంలా ఉంటుంది. అపారమైన ధనలాభం కలుగుతుంది. వీరు పెద్ద మొత్తంలో ఆస్తిని కొనుగోలు చేయవచ్చు. జీవితంలో లగ్జరీ పెరుగుతుంది. గొప్ప విజయం సాధించవచ్చు. జీవిత భాగస్వామితో మంచి సమన్వయం ఉంటుంది. వ్యాపారంలో భాగస్వామ్యం లేదా ఒప్పందాలకు మంచి కాలం. కొత్త ఉద్యోగం ప్రారంభించడానికి ఇది మంచి సమయం. రాజకీయాలకు సంబంధించిన వారికి ఈ సమయం చాలా అనుకూలంగా ఉంటుంది.