తిమ్మాపూర్ లో ఘనంగా అయ్యప్ప పడి పూజ కార్యక్రమం

అయ్యప్ప నామస్మరణతో మార్మోగిన తిమ్మాపూర్.....

శెట్టిపల్లి రాములు గౌడ్ అయ్యప్ప గురుస్వామి ఆధ్వర్యంలో కొనసాగిన అయ్యప్ప మహాపడిపూజ..

అయ్యప్ప గీతాలతో అలరించిన అయ్యప్ప 

 జనం న్యూస్ నవంబర్25.24 శివంపేట మండలం మెదక్ జిల్లా కే సత్యనారాయణ గౌడ్ 

కలియుగ ప్రత్యేక్ష దైవమైన హరిహర తనయుడు అయ్యప్ప స్వామి నామస్మరణతో తిమ్మాపూర్ గ్రామ పరిసరాలన్ని మార్మోగిపోయాయి. అయ్యప్ప  గురుస్వామి, శివ్వంపేటకు చెందిన శెట్టిపల్లి రాములు గౌడ్ ఆధ్వర్యంలో దొంతి షణ్ముఖ గురుస్వామి సంపూర్ణ సహకారంతో  తిమ్మాపూర్ హనుమాన్ ఆలయం వద్ద జరిగిన అయ్యప్ప మహాపడి పూజ ఘనంగా జరిగినది. మహాగణపతి పూజ,సుబ్రహ్మణ్య స్వామి పూజ,స్వామివారికి అభిషేకం, పద్దెనిమిది మెట్లతో అయ్యప్ప స్వామికి పడి ముట్టించి, అయ్యప్ప మహాపడిపూజ అత్యంత భక్తి శ్రద్దలతో నిర్వహించడం జరిగినది. అయ్యప్ప మహా పడిపూజ అనంతరం స్వామివారి తీర్థ ప్రసాదాలతో పాటు పంచామృతాలను అయ్యప్ప భక్తులకు అందజేశారు. ఉదయం నుండి అయ్యప్ప భజన గీతాలతో ఆలయ పరిసరాలన్ని అయ్యప్ప నామంతో పరితపించిపోయాయి. అనంతరం భోజన్నాపాయలను స్వీకరించిన అయ్యప్ప స్వాములు ఆనందంతో తన్మయం పొందారు. ఈకార్యక్రమంలో షణ్ముఖ గురుస్వామి, శెట్టిపల్లి రాములు గౌడ్ గురుస్వామి, బోల్ల బిక్షపతి గురుస్వామి,ఎరుకలి బిక్షపతి గురుస్వామి, మామిండ్ల నర్సారెడ్డి గురుస్వామి,బోల్ల ఆంజనేయులు గురుస్వామి, రామకృష్ణ గౌడ్ గురుస్వామి, ప్రసాద్ గురుస్వామి, కన్నెస్వాములు, గదా స్వాములు, అయ్యప్ప భక్తులు, గ్రామస్తులు పెద్ద ఎత్తున పాల్గొన్నారు.