ప్రతిభకు దగ్గిన గౌరవం

జనం న్యూస్ ప్రతినిథి బాల్ రాజ్ యాలాల్ మండల్.

 నూతనంగా ఎంబిబిఎస్ కు ఎన్నికైన పూజారి వివేక్ కు, బీఫార్మసీకి ఎన్నికైన దీపిక కు, ఉపాధ్యాయునిగా ఎన్నికైన నేత్తి బసప్పకు ఘనంగా సన్మాన కార్యక్రమం. వికారాబాద్ జిల్లా,తాండురు పట్టణానికి చెందిన పూజారి నర్సింలు కుమారుడు పూజారి వివేక్ ఎంబిబిఎస్ సీటు ఎన్నికవ్వడం జరిగింది. ఇందూర్ గ్రామానికి చెందినకురువ బాలు కుమార్తె కె.దీపిక బీఫార్మసీకి ఎన్నికవ్వడం,పగిడాల గ్రామానికి చెందిన నెత్తి ఎల్లప్ప కుమారుడు ఎన్. బసప్ప ఉపాధ్యాయునిగా ఎన్నిక కావడం జరిగింది. ఈ సందర్భంగా తాండూర్ పట్టణం నాగారం నరసింహులు ఆర్తి దుకాణంలో సన్మాన కార్యక్రమం ఏర్పాటు చేశారు.తాండూర్ డివిజన్ కురువ సంఘం అధ్యక్షులు నాగారం జగదీశ్వర్,తాండూర్ పట్టణ సంఘం అధ్యక్షులు మరాటి నర్సింలు ఆధ్వర్యంలో పూలమాలలు శాలువలతో ఘనంగా సన్మానించారు. ఈ సందర్భంగా వివేక్ దీపిక బసప్పలు మాట్లాడుతూ, తల్లిదండ్రుల ప్రోత్సాహంతో ఈ స్థాయికి చేరుకోగలిగామని, కుల పెద్దల సహకారంతో మరింత ముందుకు వెళ్తామని, జీవితంలో మరెన్నో విజయాలు సాధిస్తామని అన్నారు. కుల పెద్దల సమక్షంలో సన్మానం చేసుకోవడం చాలా సంతోషంగా ఉందన్నారు.

ఈ కార్యక్రమంలోతాండూర్ డివిజన్ నాయకులు, మండల అధ్యక్షులు, తాండూరు పట్టణ కమిటీ సభ్యులు, కుల బంధువులు, మహిళా కమిటీ సభ్యులు, కుల సోదరులు తదితరులు పాల్గొన్నారు