రైలు పట్టాలపై గుర్తు తెలియని మృతదేహం లభ్యం.. గుర్తులు ఇవే..!

జనం న్యూస్: బొండపల్లి మండలంలోని గరుడుబిల్లి- బోడసింగిపేట గ్రామాల మధ్య రైలు పట్టాలపై గుర్తు తెలియని వ్యక్తి మృతదేహాన్ని గమనించినట్లు విజయనగరం రైల్వే ఎస్సై బాలాజీరావు శుక్రవారం తెలిపారు. ఈ సంఘటనకు సంబంధించి వివరాలు ఇలా ఉన్నాయి. మృతుని వయస్సు సుమారు 40 సంవత్సరాలు ఉంటుందని, మృతుని వద్ద ఎటువంటి ఆధారాలు లేవని, రైలు పట్టాలు దాటుతుండగా కానీ, రైలు నుంచి జారి పడి కానీ మృతి చెందాడా? అన్నది తెలియరాలేదని చెప్పారు. మృతదేహాన్ని విజయనగరంలోని మహరాజా కేంద్రాస్పత్రిలో భద్రపరిచామని, మృతుని చేతిపై ఇంద్రాదేవి అన్న పచ్చబొట్టు ఉందని శరీరంపై కాషాయం రంగు లుంగీ, తెలుపు రంగు కమీజు ధరించి ఉన్నాయని తెలిపారు. మృతుని అచూకీ తెలిసిన వారు ఫోన్‌ 9666122722, 9491813163 నంబర్లను సంప్రదించాలని కోరారు.