సెలవు రోజుల్లో తరగతులను అడ్డుకున్న SFI

విద్యార్థులకు ఒత్తిడి నీ దూరం చేసే సెలవలను వారికి దూరం చెయ్యొద్దని వినతి
జనం న్యూస్ 08 నవంబర్
విజయనగరం టౌన్ రిపోర్టర్
గోపికృష్ణ పట్నాయక్
దసరా సెలవులు ప్రభుత్వం ప్రకటించి 6 రోజులు గడుస్తున్న విజయనగరం జిల్లాలో మాత్రం ప్రభుత్వ ఆదేశాలకు వ్యతిరేకంగా కళాశాలలు, పాఠశాలలో తరగతులు నడుస్తున్నాయి. వీటిపై వచ్చిన సమాచారంతో ఎస్ఎఫ్ఐ బృందం ఆయా కార్పొరేట్ ప్రైవేట్ విద్యాసంస్థలను సందర్శించి  తరగతులు నిర్వహిస్తున్న యాజమాన్యాలతో మాట్లాడి విద్యార్థులకు సెలవులు ప్రకటించింది. ఈ సందర్భంగా ఎస్ఎఫ్ఐ జిల్లా కార్యదర్శి CH వెంకటేశ్  మాట్లాడుతూ విజయనగరం పట్టణంలో పలు విద్యాసంస్థలు ఇప్పటికీ దసరా సెలవులు ప్రకటించలేదని , విద్యార్థులకు సంవత్సరానికి ఒకసారి వచ్చే ఈ సెలవల్లోనే వారు వారి స్వస్థలాలకు వెళ్లడం , వారి బంధుమిత్రుల ఇంటికి వెళ్లి సరదాగ ,  సంతోషంగా ఫ్యామిలీ మధ్యలో ఆడుతూ పాడుతూ ఉండే టైం అటువంటి టైంలో  ఇప్పటివరకు సెలవులు ప్రకటించకపోవడం సిగ్గు చేటని విమర్శించారు . భారత విద్యార్థి ఫెడరేషన్ ఎస్ఎఫ్ఐ టౌన్ కమిటీ దీనిని తీవ్రంగా ఖండిస్తుంది. విద్యార్థులకు సెలవులు ఇవ్వకపోవడంతో వారి తీవ్ర ఒత్తిడికి గురవతున్నారని , దానితో ఒత్తిడి తట్టుకోలేక మత్తు పదార్థాలకు బానిస అయ్యే అవకాశం ఉందని , దానితో పాటు ఆత్మ హత్యలు జరిగిన సంఘటనలు కూడా గతం లో చూశామని తెలిపారు. కావున తక్షణమే అధికారులు సెలవులు అమలయ్యేలా చూడాలని కోరారు.ఈరోజు టౌన్ లో అనేక చోట్ల ఎస్ఎఫ్ఐ పట్టణ కమిటీ కాలేజీ ల వద్ద , స్కూల్ దగ్గర ఆందోళన చేయడం జరిగింది.తక్షణమే అధికారులు మొద్దు నిద్దుర వీడి తరగతులు నిర్వహిస్తున్న పాఠశాలలను , కళాశాలలను సందర్శించి చర్యలు తీసుకొని సెలవులు ప్రకటించే విధంగా కృషి చేయాలని కోరారు.  రేపటి నుంచి ఏ యాజమాన్యం తరగతులు నిర్వహించిన ఎస్ఎఫ్ఐకి సమాచారం ఇవ్వాలని, విద్యార్థుల పక్షాన ఎస్ఎఫ్ఐ పోరాడుతుందని తెలిపారు. ఈ కార్యక్రమంలో టౌన్ అధ్యక్షులు కె రాజు ,  ఉప అధ్యక్షుడు గుణ , రాహుల్,  సాయి ,యశ్వంత్ టౌన్ కార్యకర్తలు పాల్గొన్నారు.