బగలాముఖీ శక్తిపీఠంలో అమ్మవారికి మంగళవారం రోజు మహాపూజలు.....

అమ్మవారి ఉపాసకులు, బ్రహ్మర్శి శాస్త్రుల వెంకటేశ్వర శర్మ ఆధ్వర్యంలో అమ్మవారికి ప్రత్యేక పూజలు..

పీతవర్ణ వస్త్రాలు పీతవర్ణ పుష్పాలతో అమ్మవారికి ప్రత్యేక అలంకరణ..జనం న్యూస్ డిసెంబర్17.24 శివంపేట మండలం మెదక్ జిల్లా కే సత్యనారాయణ గౌడ్ అత్యంత శక్తిపీఠాలలో ఒకటైన శివ్వంపేట శ్రీబగలాముఖీ శక్తిపీఠంలో బగలాముఖీ అమ్మవారికి ప్రీతిపాత్రమైన మంగళవారం ఉదయం అమ్మవారి ఉపాసకులు, బ్రహ్మర్శి శాస్త్రుల వెంకటేశ్వర శర్మ ఆధ్వర్యంలో బగలాముఖీ అమ్మవారికి మహాపూజలతో పాటు ప్రత్యేక పూజలు నిర్వహించడం జరిగినది. బగలాముఖీ అమ్మవారిని పీతవర్ణ పుష్పాలు,పీతవర్ణ వస్త్రాలతో విశేషంగా అలంకరించి, అమ్మవారికి మహా పూజలతో పాటు రుద్రయామల బగలా అష్టోత్తర నామర్చనలతో పసుపుతో హరిద్రార్చన నిర్వహించడమే కాకుండా అమ్మవారికి అభిషేకం, మంగళహారతి, మంత్రపుష్పం కార్యక్రమాలను అత్యంత భక్తి శ్రద్దలతో నిర్వహించి,నానా విధపలాలతో నైవేద్యం సమర్పించడం జరిగినది. బగలాముఖీ అమ్మవారిని దర్శనం చేసుకునేందుకు హాజరైన భక్తులకు దశమహావిద్యలను దర్శించుకుంటే కలిగే మోక్ష పలాలను వివరించి, అమ్మవారి తీర్థప్రసాదాలను అందజేశారు. అమ్మవారి భక్తులకు ప్రతివారం మాదిరిగానే అమ్మవారి భక్తుడు కొడకంచి సుదర్శన్ గౌడ్ పులిహోర ప్రసాదం అందజేయడం జరిగినది.